Курултай: 145 депутат партиялык тизме менен шайланат

Казакстанда 23-августта парламенттик шайлоо өтөт. Коңшу өлкөдө Сенат менен Мажилистен турган эки палаталуу парламент жоюлуп, анын ордуна 145 депутаттан турган Курултай түзүлөт. Андан тышкары бир мандаттуу округдар толук жоюлду. Эми парламентке депутаттар партиялык тизме менен гана келе алат. Сынчылар бул партияда жок миллиондогон жарандардын саясатка аралашуу мүмкүнчүлүгүн чектейт дешет.