Коомду алдыга тарткан жаратман аялдар

19-ноябрда, Бишкекте аял ишкерлердин бүткүл дүйнөлүк күнү белгиленди. Бул күнү “Жаратман жана кайраттуу: ийгиликке карай кыргыз аялдарынын 30 жылдык жолу” аттуу конференция уюштурулуп, ага өлкөнүн ар кайсы аймактарында ийгилик жараткан 300дөн ашык ишкер аял катышты. Аялдардын "Курак" форуму эл аралык уюмдардын колдоосу менен уюштурган бул конференция аялдардын экономикалык, саясий жана социалдык тармактардагы мүмкүнчүлүктөрүн тажрыйба алмашуу аркылуу кеңейтүү максатын көздөйт.