Улуттук валюта – сомдун кабыл алынганына 29 жыл болду. Сом чейрек кылымдан ашуун ар кыл шартта туруктуулугун сактаган улуттук валюталардын катарына кирди. Орусия-Украина согушунан улам пайда болгон дүйнөлүк валюта кризиси кыргыз сомунда да олку-солкулукту жаратууда. Биз Кыргызстандагы бүгүнкү акча саясатын, сомдун кунуна байланышкан бүгүнкү оош-кыйыштарды, алдыдагы тобокелчиликтерди жана келечегин адистер менен "Арай көз чарайда" талкуулайбыз. Улуттук Банктын расмий өкүлү Аида Карабаева, акча алмаштыруу жайлар ассоциациясынын төрага орун басары Азамат Алмазбеков, “Енвой Вижион” ачык акционердик коомунун башкармалыгынын башчысы Алмаз Шабданов катышат.