Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 23:21

Алай: Той башталды


4-октябрда Алайда Курманжан датканын 200 жылдыгына арналган маараке башталып, ал спорттук оюндар менен коштолууда. Учурда спорттун 9 түрү боюнча республика аймагынан келген спортчулар беттешип жатышат.

Финалдык оюн 8-октябрда күнү өтөт. Ага жети дубандан келген коноктор, президент, Жогорку Кеңештин төрагасы баш болгон бийлик өкүлдөрү, Кыргызстандагы дипломатиялык өкүлчүлүктөр жана чет өлкөлөрдөн келген меймандар күбө болушмакчы.

Оюндардын байгесине 6 автоунаа, андан сырткары 1,7 миллион сом сайылган.

Ушул тапта Шамеки айылынын түзүндө алайлыктар боз үйлөрүн тигишип, конок камын көрүшүүдө. Алар райондун булуң-бурчунан келишкен.

Алдын ала план боюнча 200 боз үй тигилет деп айтылууда. Мында боз үйлөр сынагы уюштурулат. Анын байге кору – 90 миң сом.

Курманжан датканын мааракесин өткөрүү үчүн атайын дирекция түзүлүп, 11 миллион сомдун тегерегинде каражат бөлүнгөн.

Иш-чара 8-октябрда жыйынтыкталат.

Курманжан датка 1811-жылы Ошто туулган. 1832-жылы Алымбек даткага турмушка чыккан.

Акылмандыгы, көрөгөчтүгү менен жолдошу Алымбектин ишенимдүү кеңешчиси болуп турган.

Алымбек датка Кокон ордосунда кутумдардын колунан ажал тапкан соң Курманжан эне анын ордун баскан.

Кийинчерээк Бухара эмири тарабынан Датка наамы ыйгарылган. Өлкөдөгү таасири күчтүү болгондуктан геосаясий чечимдерди кабыл алууга катышкан.


Сүрөттөрдү толугу менен бул жерден көрүңүз.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG