Линктер

ЧУКУЛ КАБАР!
2-Февраль, 2023-жыл, бейшемби, Бишкек убактысы 17:30

Жалп өчкөн жаш өмүрлөр...


Акыркы кездери кыргызстандык жаштар арасында өз өмүрүнө кол салгандардын, өмүрүн кыйгандардын саны өсүүдө. Мындай көрүнүштөрдүн айрыкча мектеп окуучулары арасында көп катталып жатышы коомчулукту тынчсыздандырып келет.

Кырчындай жаш өмүрлөрдүн кыйылышына эмне себеп? "Азаттык+" бул жолу өспүрүмдөр арасындагы суицид темасына кайрылды.

Расмий маалыматтар боюнча, Кыргызстанда 2013-жылы 127 бала, 2014-жылы 106, быйыл 5 айдын ичинде эле 58 өмүрү менен кош айтышкан.

Жалп өчкөн жаш өмүрлөр...
please wait

No media source currently available

0:00 0:12:23 0:00

Кайгылуу окуя ушул жылдын 10-май күнү Бишкектеги конуштардын биринде болгон. Келечекте дарыгер болом деп кыялданган кызынын сөөгүн апасы короодогу сарайдан тапкан. Алиянын жакындары жашоосунда ак көңүл, шайыр жүргөн кыздын эмнеге бул кадамга барганын түшүнбөй, каңырыгы түтөп отурат.

Жалп өчкөн жаш өмүрлөр... (2)
please wait

No media source currently available

0:00 0:10:37 0:00

Ушул эле убакытта жан көтөргүс кайгыга батып, мууну бошоп, дагы бир ата көкүрөк күчүгүнөн айрылганына ишене албай келет. Ата-эненин айтымында, окуя мектептеги рекетчиликтен башталып, аны туура эмес териштирүүдөн улам 15 жаштагы чырактай бала бөөдө өлүмгө дуушар болгон. Үстүбүздөгү жылдын 7-февралында Жети-Өгүздүн Саруу айылында болгон бул окуя бүтүндөй айыл-апанын үрөйүн учурду. Эмесе кепти башынан баштайлы.

Жалп өчкөн жаш өмүрлөр... (3)
please wait

No media source currently available

0:00 0:11:06 0:00

Адистер азыркы жаштардын аң-сезими башкача экенин белгилеп, аларга совет мезгилиндегидей тарбия жарабайт дешет. Мындан улам ата-энелер балдарга болгон мамилесин өзгөртүүгө тийиш.

Берүүнүн аягында жаш көрөрманга кайрылабыз – турмуштагы көйгөйлөрдү чечүүнүн миң жолу бар, ал эми суицид менен жашооңду өзгөртө албайсың.

  • 16x9 Image

    Айгерим Акылбекова

    "Азаттык" радиосунун кабарчысы. 2014-2016-жылдары "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

  • 16x9 Image

    Токтосун Шамбетов

    "Азаттык" радиосунун журналисти. 2014-2016-жылдары "Азаттык+" телепрограммасынын алып баруучусу. 2012-2014-жылдары "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

Азаттык подкаст

XS
SM
MD
LG