Линктер

ЧУКУЛ КАБАР!
31-октябрь, 2020 ишемби, Бишкек убактысы 18:49

Заманбап келиндер


Ташкенттеги казактарда да кайнене-кайнатага жүгүнүү салты бар

Азыркы келин кандай болушу керек? Кайнене-келин тиреши жоюлуп баратабы? “Азаттык+” заманбап көз караштагы келиндер менен баарлашты.

Кээ бир элдин салтында келин темасы бүтпөгөн кеп. Илгертеден келин үй оокатын айтырбай кылып, тамакты даамдуу жасап, балыктай болуп үн катпаш керек деген түшүнүк бар. Бирок бүгүн заманга ылайык келиндин жаңы образы пайда болуп бараткандай. Ал кайын-журттун көңүлүн ала билет, үй оокатына тың, жумушта ийгилик жарата алат.

Студиябыздын коногу Айгерим Курманалиеванын турмушка чыкканына үч жылдай болду. Жумушуна байланыштуу баш кошкондон кийин эле чет өлкөгө иш сапарга кеткен. Айгерим бүгүнкү келиндер үйдө, иште дагы мыкты болушу керек дейт. Ал эми Жогорку Кеңештин депутаты Жылдыз Мусабекова кайненеси менен бирге турганына 20 жылдай болду. Депутат айым учурда каардуу кайненелер азайып калганын айтууда. Казак элине келин болгон ырчы Кенже Дүйшеева заманга жараша деп илгерки келиндик милдетти, салтты унутуп коюу туура эмес деген пикирде.

Super kg сайтынан келген өкүл Элвира Караеванын айтымында, аталган сайттагы “Супер келинчек” сынагына 40-50дөй келиндин сүрөтү түшкөн. Жиберген авторлор таңдан кечке кыңк этпей оокат кылгандарды гана “супер келин” деп аташкан. “Ак жоолук ажары” уюму кыз-келиндерге үй-бүлөлүк кеңештерди берип, окутат. Аларга жаңы келин болуп баргандар, турмушка аттанып жаткан кыздар кайрылат.

Казакстанда “келин” деп аталган атайын социалдык тармак бар. Аны казакстандык Дидара Пернебаева аттуу студент жаш келиндердин маселесин чечүүгө жардам болсун деген ниетте ойлоп тапканын айтат. Тиркемеге катталган миңдеген келиндер өз кеңештери, тамак-аш сырлары, ар кандай турмуштук пайдалуу кеңештер менен бөлүшөт. Кыскасы келиндердин аты-жөнү анонимдүү болгондуктан ээн-эркин сырдашууга ыңгайлуу. Ал эми Кыргызстанда мындай тиркеме жок болгону менен Инстаграмм, Фейсбук сыяктуу социалдык тармактарда келиндер үчүн баракчалар ачылган. Маселен, Инстаграммдагы Kelin kg аккаунтунда 15 миңден ашык колдонуучу катталган. Ал жактан келиндерге тиешелүү пайдалуу кеңештерди, кызыктуу маалыматтарды тапса болот.

Заманбап келиндер...
please wait

No media source currently available

0:00 0:28:10 0:00

  • 16x9 Image

    Токтосун Шамбетов

    "Азаттык" радиосунун журналисти. 2014-2016-жылдары "Азаттык+" телепрограммасынын алып баруучусу. 2012-2014-жылдары "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

  • 16x9 Image

    Айгерим Акылбекова

    "Азаттык" радиосунун кабарчысы. 2014-2016-жылдары "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG