Ветеринардык лабораториянын адистери Кара-Балта шаарында тобу менен өлгөн каргаларды текшерип чыгып, куштар ачкадан өлгөн деген жыйынтык чыгарды. Адистер каргалардан вирус жана уулуу заттар табылган жок деп билдирди. Бирок ага карабай канаттуунун бул түрүнүн массалык кырылышы токтогон жок. Мунун себебин жергиликтүү эл аймактагы мунай иштетүүчү "Жунда" заводунун кесепетинен көрсө, эколог-орнитологдор башкача жорушууда.