Жогорку Кеңештин VI чакырылышынын депутаттары кезектеги жайкы эмгек өргүүсүнө чыгат. Жогорку Кеңеш быйылкы эмгек жылын кандай натыйжа менен аяктап жатат жана ал элге сезилдиби? Эл өкүлдөрү бир жылдык иш мезгилинде мыйзам чыгаруу жана анын аткарылышын көзөмөлдөө функцияларын кандай аткарышты? Конституциядагы соңку өзгөртүүлөр Жогорку Кеңештин бийлик сересиндеги позициясына кандай таасир этти? "Азаттыктын" “Ыңгайсыз суроолор” телепрограммасы мына ушул маселеге арналды. Суроолорго Жогорку Кеңештин “Өнүгүү-Прогресс” фракциясынын депутаты Мирлан Бакиров жана “Кыргызстан” фракциясынын депутаты Дастан Жумабеков жооп беришти.