Линктер

ЧУКУЛ КАБАР!
20-Октябрь, 2021 шаршемби, Бишкек убактысы 18:52

Казино ордун лотерея басты


Кыргызстанда кумар бизнесине 2012-жылы тыюу салынган. Бирок кумарпоздукка алдырган жарандардын жакындары маселе дагы деле чечилбей келатканын айтышат.

Тыюу салынган казинолордун ордуна кандай кумар оюндары пайда болду? Дароо ойнотулуучу лотереяларды кумар оюну десе болобу? Кумарпоздукка алдырган жаштарга кантип жардам бериш керек? “Азаттык+” берүүсүнүн кезектеги чыгарылышы кумарпоздук темасына арналды.

Айбек 17 жашынан баштап кумар оюндарын ойноп, белчесинен карызга баткан. Ал бул жолго кантип түшүп калганын билбейт. Казинолорго тыюу салынганы ал лотерея ойноп, бир топ акчасын уттурду.

Айбектикиндей тагдырды баштан кечирип жаткандардын жакындары учурда интернет оюндары, дароо ойнотулуучу лотереялар мурунку кумарканалардын ордун басты деп нааразы. Алар дароо ойнотулуучу лотереяларга тыюу салынуусун талап кылышууда.

Бишкектеги лотереялардын иши кечки саат сегиз-тогузда кызый баштайт. Ошону менен оюнга берилгендердин аягы таңга жуук суюлат.

Кыргызстандын мыйзамдары боюнча лотерея кумар оюну деп саналбайт. Мындай жайлар Бишкектин бир топ жеринде ачылган. Булардын тираждык лотереядан айырмасы - утуш ошол замат берилет жана электрондук терминалдар аркылуу ойнотулат.

Адистер балдарды кичинесинен эле тарбиялап, кумарпоздуктун кесепети кандай болоорун түшүндүрүү зарылдыгын белгилешет. "Адамды кумарпоздук торунан сууруп чыгуу оңой эмес", - дешет алар.

Казино ордун лотерея басты
please wait

No media source currently available

0:00 0:28:00 0:00

  • 16x9 Image

    Токтосун Шамбетов

    "Азаттык" радиосунун журналисти. 2014-2016-жылдары "Азаттык+" телепрограммасынын алып баруучусу. 2012-2014-жылдары "Азаттыктын» Нарын облусундагы кабарчысы болуп иштеген. Нарын мамлекеттик университетинин техникалык факультетин аяктаган. "Мыкты жаш журналист 2013" наамынын ээси. Твиттерде: @Tokojan  

  • 16x9 Image

    Айгерим Акылбекова

    "Азаттык" радиосунун кабарчысы. 2014-2016-жылдары "Азаттык+" телепрограммасынын алып баруучусу. Кусейин Карасаев атындагы Бишкек гуманитардык университетинин журналистика факультетин аяктаган. 

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG