Тылдын ардагери Сурма Ызакулова паспорту боюнча быйыл 106 жашка толду. Бирок өзү согуш башталган жылы 14-15 жаштагы тестиер кыз болгом деп эскерет. Үч доорду көргөн байбиче “Азаттыкка” алгач кулакка тартылган чоң атасын, согушка кетип, дайынсыз болгон өз атасын жана алыстагы согуш каарын тарткан балдардын арман менен тилегин айтып берди. Чоң эне катаал турмушка карабай беш уул, бир кызды тарбиялап, жыйырма үч небере, элүү жети чебере эркелеткенине ыраазы.