Линктер

ЧУКУЛ КАБАР!
14-Апрель, 2021 шаршемби, Бишкек убактысы 10:43

Карылар кадырын жоготпосо...


Кыргыз коомунда карылардын бүгүнкү баркы, нарк-насили канчалык?

"Арай көз чарай" талкуусуна экономист, социолог, философия илимдеринин доктору Кусеин Исаев жана “Даанышман кеңеши” коомдук уюмунун төрагасы Бердибек Жумабаев катышты.

"Азаттык": Кусеин агай, “Карынын кебин капка сал” деген жакшы макал бар, бирок азыркы учурда аксакалдарыбыздын коомдо орду жоголуп бараткандай сезилет. Аксакалдарга азыр кандай маани берилип жатат?

Кусеин Исаев: -Тилекке каршы, кылымдардан бери келаткан кыргыз салтына, аксакалдарга болгон сый мамиле солгундады. Буга экономикалык да, саясий да себептер бар. Анткени азыр үй-бүлө институту абдан начарлап кетти.

Биздин бала кездегидей бекем үй-бүлө азыр жок. Азыркы үй-бүлө адептик жагынан да, акыйкаттык, социалдык жагынан да өтө алсыз. Натыйжада чоң ата, чоң эненин сөзүн небере-чөбөрө тоготпой баратат.

Экинчиден, аксакалдарыбызды ар кандай саясий миссияга, саясий оюндарга пайдаланып, аларга акча бере коюп, кадырын ого бетер түшүрүштү.

Карылардын ордун кайрадан калыбына келтиребиз десек үй-бүлөдөн башташ керек. Мына, биз бала кезде деле карылар үйү болоор эле, бирок анда кыргыздар жок болчу. Азыр караңыз, карылар үйүндө эки кишинин бири кыргыз.

Бул эми бир гана үй-бүлөнүн функциясында эмес, карылардын өздөрүнүн да жүрүш-турушунан болуп жатат. Көчөдө арак ичип жатып калган, улгайганын билбей жаштарга теңелип, кыздарга тийишкендер бар. Акыркы жылдары “Дүжүр чалдар” деген түшүнүк да пайда болду.

Бердибек Жумабаев: - Аксакалдарыбызды ар кандай саясатта колдонулуп жатканын жаштар көрүп, жыйынтык чыгарып жатышат. Биз мунун баарын көрүп туруп “Даанышман кеңеши” коомдук уюмун түздүк. Таза аксакалдарыбызды чогулттук, эки айда бир ирет чогулуп турабыз.

Талкууну толугу менен бул жерден угуңуз:
please wait

No media source currently available

0:00 0:25:21 0:00
Түз линк
  • 16x9 Image

    Жанар Акаев

    "Азаттыктын" Бишкектеги журналисти. "Ыңгайсыз суроолор" телепрограммасынын алып баруучусу. 2009-жылы Ош Мамлекеттик университетинин журналистика факультетин аяктаган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG