Сабалган эгиздер, эненин өтүнүчү

Сокулукта катуу таяк жеген эгиз кыздын апасы энелик укугунан ажыратпоону өтүнүп, адистерден кеп-кеңеш алып жатат. Шейшемби күнү он жаштагы көгала болгон эки кыз Сокулук шаарчысындагы ооруканага түшүп, аларды сабады деп шектелген 35 жаштагы өгөй атасы камакка алынган. Кыздардын абалын көргөзгөн видеотасмадан улам коомчулукта өгөй атасын жазалоо, энесин энелик укуктан ажыратуу талаптары айтылып жатат. “Азаттык” бул окуянын чоо-жайын сураштырып, ооруканадагы кыздардын абалы менен да таанышып келди.