Онлайн шерине
Фейсбукта «Клооптун» макаласын бөлүшкөн деген негизде айыпталган Бактыбек Молдалиевди Бишкектин Октябрь райондук соту үч жылга эркинен ажыратты. Ал Кыргызстанда экстремисттик деп таанылган медианын материалын бөлүшкөн деп соттолгон алгачкы адам болуп калды.
Президент Садыр Жапаров жарандарды насыя алууда каржылык мүмкүнчүлүктөрүн эске алып, курулушка, турак-жайды оңдоп-түзөөгө банктан акча албоого чакырды. Анын Чүйдө эл менен жолугушууларында бул маселе бир нече жолу көтөрүлдү. Кыргызстанда кымбатчылыктан улам насыя алгандар жылдан-жылга өсүүдө.
7-ноябрдан бери Ала-Арча капчыгайында изделип жаткан 14 жаштагы Амир Кунакуновдун сөөгү 9-ноябрда табылды. Ал жалгыз тоодо адашып калганы тууралуу Өзгөчө кырдаалдар министрлигине кабар берген. Андан бери белгисиз болуп жаткан өспүрүмдүн сөөгү Электро чокусунда табылды.
Түркиянын Стамбул шаарында 35 жаштагы кыргызстандык аял бычак жеп каза тапты. Окуя 5-ноябрда шаардын Аксарай районунда болгон. Кылмышка шектүү катары 1994-жылы туулган кыргызстандык кыз кармалган. Маркумдун жакындары анын өлүмүнүн себебин толук жана ар тараптуу иликтөөнү суранууда.
Депутаттар бүбү-бакшылык кызмат көрсөтүүгө жана тиешелүү билими жок адамдардын психолог болуп иштөөсүнө тыюу салган мыйзам долбоорун сунуштады. Коомдук талкууга коюлган документ парламенттин сайтына жарыяланды.
Бишкекте кыйылып жаткан дарак басып каза болгон Кылыч Айдаровдун жакындары “Бишкек жашыл курулуш” муниципалдык ишканасынан кенемтени толук төлөп берүүнү талап кылууда. Окуя быйыл 22-сентябрда Манас 61 дарегинде болгон.
Орусияда адамдарды Украинадагы согушка тартуу иши барган сайын жеке компаниялар жана ортомчулар аркылуу жүрүүдө. Мындай жол менен жалдангандар көбүнчө мыйзамдык көзөмөлү бүдөмүк шарттарга тушугуп, анын кесепети оор болуп жатат.
Сот аткаруучулар кызматынын жетекчисинин мурдагы орун басары, маркум Кубанычбек Капаловдун жакындары анын өлүмүнө байланыштуу иштин адилет тергелишин суранууда. Алар тергөөдө айрым жагдайлар ачыкталбай, күмөндүү учурлар көп болуп жатканын айтып, өлкө жетекчилигине жана "Азаттыкка" кайрылышты.
Саясатчы, Кемпир-Абад ишине байланыштуу кармалып, кийин соттон акталган Бектур Асанов Кыргызстанда 2027-жылы январда өтө турган президенттик шайлоого талапкерлигин коёрун билдирди.
Үркүн – кыргыз тарыхындагы эң трагедиялуу окуялардын бири. Бир кылымдан ашык убакыт өтсө дагы айрыкча кыргыздардын эс тутумуна бул кандуу окуя терең из калтырып кетти.
3-ноябрь күнү Манас шаарында Элистан Токтогуловдун жакындары чогулуп, бийликке кайрылды. Алар 21 жаштагы Элистан эки апта мурда Кыргызстандан ортомчуларга алданып, азыр эми Орусияда согушка жиберилип жатканын айтышты.
Дагы жүктөңүз
