11-декабрда Йоханнесбург шаарындагы стадиондо өткөн Нелсон Мандела менен коштошуу зыйнатына 70тей өлкө лидерлери, анын ичинде АКШ президенти Барак Обама, Британиянын премьер-министри Дэвид Кэмерон, Франциянын президенти Франсуа Олланд катышты.Тажыяга нөшөрлөп жааган жамгырга карабай 100 миңдей адам катышканы кабарланды. Апартеидге каршы күрөштүн каарманы, Түштүк Африканын биринчи кара президенти, Нобел сыйлыгынын лауреаты Нелсон Мандела 5-декабрда 95 жашында дүйнө салган.
