Орусияда карантиндик чектөөлөр алынып, аба каттамдары жанданып, бир топ мигранттар ишке кайтканы менен коронавирус пандемиясы жаңы башталганда мигранттарга берилген жеңилдиктер алынды. 100 миңден ашуун кыргызстандык мигранттар "кара тизмеге" кабылып, өлкөдөн депортация коркунучуна кабылды. Орусиянын ички иштер министринин орун басары Александр Горовой 16-апрелде КМШнын Парламент аралык ассамблеясынын жыйынында сүйлөп жатып, шериктештиктеги өлкөлөргө эскертүү берген.