Германия: Назарбаевдердин аксарайларын конфискациялоо талабы

Германиядагы Баден-Вюртемберг аймагынын депутаты Йонас Вебер жергиликтүү бийликке кайрылып, Казакстандын экс-президенти Нурсултан Назарбаевдин кызы Динарага жана күйөө баласы, миллиардер Тимур Кулибаевге таандык 100 миллион евролук мүлкүн конфискациялоону өтүндү. Буга ай башында Назарбаевдердин Германияда табылган баасы асман чапчыган аксарайлары тууралуу журналисттик иликтөө түрткү болгон.