Украинадагы президенттик шайлоонун экинчи айлампасында актер Владимир Зеленскийге утулган Петро Порошенко президенттик кызматка кайтып келүү ниети бар экенин айтты. Порошенконун миңдеген тарапкерлери 22-апрелде Киевдин Банковая көчөсүндөгү президенттик администрациянын алдына "Петро, рахмат!" деген акцияга чогулушту.
Порошенко: президенттикке кайтып келем
1
"Биз биргеликте парламенттик шайлоону жеңип чыгабыз. Биз баарыбыз чогуу кийинки президенттик шайлоодон кийин Банковая көчөсүнө келебиз", - деп айтты Порошенко тарапкерлеринин алдында сүйлөп жатып.
2
Украинанын Борбордук шайлоо комиссиясынын расмий сайты президенттик шайлоодо урнага салынган бюллетендердин дээрлик жүз пайызы эсептелип бүткөнүн көрсөтүүдө. Бирок расмий жыйынтык жарыялана элек.
3
Алдын ала жыйынтыкка ылайык, Владимир Зеленский жалпы добуштардын 73,2 пайызына, Порошенко 24,4 пайызына ээ болду.
4
5
6
7
8
9
10
11