Линктер

ЧУКУЛ КАБАР!
31-Июль, 2021 ишемби, Бишкек убактысы 22:11

"Миллиондордун маршында" оппозициялык лидерлер камалды


Москванын Болотная аянтындагы кармоолор. 6-май 2012-жыл

Москванын Болотная аянтында оппозициялык митинг башталбай жатып күч менен таркатылды. 6-майда Орусиянын баш калаасында он миңдеген киши бийлик уруксат берген “Миллиондордун маршына” чогулушту.

"Миллиондордун маршына" катышкандарды полиция аянтка өткөрбөй койгондо, кагылышуу болду. ОМОН атайын күч колдонуп, чогулган элге тарсылдыктарды ыргытты. Ондогон адамдар камакка алынды. Аянтта уюлгуган түтүндө элдин тыгыны пайда болду. Оппозициялык лидерлер Сергей Удальцов, Борис Немцов менен Алексей Навальныйды полиция кармап, "Якиманка" ИИБнө жеткиргени маалым болду.

Москвада оппозиционерлер кармалды
please wait

No media source currently available

0:00 0:01:50 0:00

Ага чейин "Азаттыктын" Орус кызматынын кабарчылары жеринен маалымдашкандай, Сергей Удальцов баш болгон оппозиционерлер көпүрөнүн жанына отуруп алып, Кремлге нааразылык акциясын башташкан. Аларга башкалар да кошулган. Буга бийликтин көпүрөнү жаап, демонстранттарды Манеж аянтына өткөрбөй койгону себеп болгон.

"Солчул фронттун" координатору Удальцов нааразылык алардын үч талабы аткарылмайынча улана берерин айткан. Оппозиция федералдык ТВ каналда эфир берилишин, Владимир Путиндин 7-майга белгиленген инаугурациясын өткөрбөө, президенттик жана парламенттик кайра шайлоону талап кылган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG