Деңиз деңгээлинен 3400 метр бийиктикте жайгашкан Төө-Ашууда Кыргызстандагы №9 жол тейлөө мекемеси жайгашкан. Андагы жумушчулардын көбү кышкысын жол кооптуу кезде апталап үй бетин көрбөй иштеп, атайын жатаканада түнөшөт. Бул кан жолдо сөөк какшаткан суукта жол азабын тарткан айдоочулар, соодасын кылган ишкерлер тынбайт. Бул ирет “Данисте” берүүсүндө - 40 градус сууктагы Суусамыр өрөөнүндөгү жашоо менен тааныштырабыз.