Линктер

ЧУКУЛ КАБАР!
29-ноябрь, 2020 жекшемби, Бишкек убактысы 01:46

Тажик президентинин уулу өлкөнүн Сенатына мүчө болду


Тажикстандын президентинин уулу Рустам Эмомали.

Тажисктандын президенти Эмомали Рахмондун уулу, Дүйшөмбү шаарынын мэри Рустам Эмомали парламенттин жогорку палатасы Сенатка мүчө болуп шайланды.

Мыйзамга ылайык, Тажикстанда парламенттин жогорку палатасынын 25 мүчөсүн жергиликтүү кеңештердин депутаттары шайлашат. Ал эми сегиз сенаторду президент өзү дайындайт. Президенттин уулунун талапкерлиги бир добуштан жактырылды.

Рустам Эмомали 30 жашында 2017-жылы Дүйшөмбү шаарынын мэрлигине дайындалган. Ага чейин Тажикстандын бажысын, Коррупцияга каршы күрөш кызматын жетектеп келген.

Саясат таануучулардын баамында, Рустам Эмомали жакында парламенттин жогорку палатасынын спикерлигине шайланышы толук ыктымал. Андай болсо ал Тажикстандагы президенттен кийинки эле экинчи адамга айланат.

2016-жылы Конституцияга президенттикке талапкерлердин жаш курагы боюнча өзгөртүүлөр киргизилип, 35тен 30 жашка чейин төмөндөтүлгөн. Эксперттер бул кадам Рустам Эмомалини мамлекет башчылыгына алып баруу максатында жасалган деп эсептешет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG