Москванын аэропортунда кырсыкка кабылган «Superjet 100дү» чыккан күндөн эле кырсык коштоп келет.
Багы ачылбаган «Superjet 100»
1
Шереметьево аэропортунда 5-майда болгон кырсыктан кийин. Учактын экипажы жерден көтөрүлгөндөн кийин кырсык тууралуу белги берип, конууга уруксат сураган.
2
«Superjet 100» 2007-жылкы аэродинамикалык сыноо учурунда. Учак 2000-жылдары учак өндүргөн легендарлуу «Сухой» компаниясында иштелип чыккан. Компания Орусиялык бириккен авиакуруучулар корпорациясынын курамына кирет. (ОАК)
3
«Superjetтин» кабинасынын алкагын чогултуу учуру. Орус өкмөтү федералдык программанын негизинде жарандык авиацияны өнүктүрүш үчүн чыгымдын 25% өзүнө алган. Жалпы жонунан учакты жасоого 1, 4 млрд. доллар жумшалган. Лайнер 3000ден 4000 чакырымга чейин учууга ылайыкталган.
4
«Superjet» биринчи каттамга 2008-жылы май айында чыккан.
5
«Superjet» учагын биринчи айдаган учкучка сый көрсөтүү учуру. Көп өтпөй «Сухой» компаниясында кыйынчылыктар башталган.
6
«Superjet» учактары Ыраакы Чыгыштагы заводдо кураштырылган. Башында учакты сатып алуучуларга 2009-жылы жөнөтүү пландалган. Бирок кыймылдаткычындагы кемчиликке байланыштуу иш кечеңдеген.
7
SaM146 моделинин кыймылдаткычын тесттен өткөрүү учуру. Тетикти орусиялык «Сатурн» жана франциялык «Snecma» компанияларына таандык «PowerJet» компаниясы жасаган. Сертификация иши өтө көп убакытты алган.
8
«SaM146» кыймылдаткычы тесттик сыноо учурунда. 2009-жыл.
9
2011-жылы «Superjet» учагынын алгачкы үлгүлөрү Армениянын «Armavia» улуттук компаниясынын каттамдарына пайдаланылган.
10
Москвада өткөн авиашоуда учкан лайнер. 2015-жылы долбоор колдоо тапкан. Бирок буюртмалар өндүрүүчүлөр күткөндөй бат эле түшкөн эмес.
11
2012-жылы Индонезиянын үстүндө бараткан учак кырсыкка кабылган. Орусиялык учкуч эскертүүгө маани бербей, Жакартадан алыс эмес жердеги тоого урунган. Учактагы 45 адамдын бири да тирүү калган эмес.
12
2015-жылы «Flightglobal» «Superjet 100» «жасап чыгаргандар ойлогондон артык ийгиликке жеткенин» жазган. «Flightglobal» уюмунун эксперттеринин айтымында, жүз кишиге эсептелген лайнер атаандаштарынан ыңгайлуу салону менен айырмаланган. 2018-жылы орусиялык «Аэрофлот» компаниясы жүз даана «Superjet» учагын алган.
13
«Superjet» учагынын кабинасында отурган учкуч. 2018-жылы бир нече лайнерлер «SaM146» кыймылдаткычындагы көйгөйдөн улам каттамдарын токтоткон.
14
«Superjet 100дү» техникалык кароодон өткөрүү учуру. Ага чейин орусиялык «Якутия» учагы жана мексикалык жүк ташуучу «Interjet» кыймылдаткычта мүчүлүштүк бар экенин кабарлаган.
15
Орусиянын тергөө комитети Шереметьеводо болгон кырсыкка учкучтардын, диспетчерлердин жана техникалык кароо жүргүзгөн адистердин тажрыйбасынын аздыгы, учактын бузулганы жана аба ырайы себепкер болушу мүмкүн деп айтууда.