Линктер

ЧУКУЛ КАБАР!
27-ноябрь, 2020 жума, Бишкек убактысы 14:22

Трамп менен Си пандемияны талкуулашты


АКШнын президенти Дональд Трамп жана Кытай лидери Си Цзиньпиң Жапониядагы G20 саммитинде. 29-июнь, 2019-жыл.

АКШ президенти Дональд Трамп менен Кытай лидери Си Цзиньпиң 27-мартта телефон аркылуу коронавирус пандемиясын талкуулашты. Сүйлөшүүдөн кийин Трамп «Твиттерге» Вашингтон менен Бээжин бул илдетке каршы күрөштө тыгыз кызматташып жатканын жана алар жемиштүү сүйлөшүү жүргүзүшкөнүн жазды.

Андан бир нече саат мурда АКШ лидери журналисттерге Кытай дагы эле ооругандардын реалдуу санын жашырып жатканын айткан.

Эки лидердин сүйлөшүүсү тууралуу Кытайдын маалымат каражаттары да жазып, анда Си Трампка баардык маалыматтар ачык экенин айтканын маалымдашты.

Буга чейин Трамп коронавирусту «кытай вирусу» деп атап, Бээжиндин кыжырына тийген.

Жон Хопкинс университетинин маалыматына караганда, 27-мартка карата АКШ коронавирусту жугузуп алгандардын саны боюнча Кытай менен Италияны артка калтырды. Кошмо Штаттарда бул илдетке 85 500 адам чалдыкты.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG