Согушта талкаланган үйдө жаңырган музыка

Украиналык пианистка Ирина Манюкина орус армиясынын соккусунан кыйраган үйүнө кирип, атактуу Шопендин музыкасын ойноп жатканда кызы видеого тартып алган. 5-мартта Киевден 80 чакырым жердеги Белая церковь шаарындагы музыканттын үйү катуу талкаланган. Орус аскерлеринин снаряды алардын үйүнө чукул жерге түшкөн. Үйдөгү бир киши жараат алган. Андан кийин бул үй бүлө толугу менен башка жакка чыгып кетүүгө аргасыз болгон.