Вашингтондо басма сөздүн 500 жылдык тарыхына арналган Newseum музейинде түштүк азиялык кесиптештери менен болгон Жаңыл Жусупжандын сүрөт баяны.
Алтоо АКШда: Newseum маалымат ордосу
1
Айнек менен мармар таштан салынган "Ньюзей" (Newseum - маалымат музеи) "коомчулук менен маалымат каражаттарынын өз ара түшүнүүсүн жакшыртууну" көздөйт. Ал биринчи кезекте сөз эркиндигин чектөөчү мыйзам кабыл алууга тыю салган АКШ Конституциясынын Биринчи түзөтүүсүн даңазалайт.
2
"Ньюзейде" Берлин дубалынын Германиядан тышкары жактагы эң ири бөлүгү коюлган. Маалымат менен журналистиканын интерактивдүү музейинде дагы АКШ Конституциясынын Биринчи түзөтүүсүнө, дүйнөдөгү сөз эркиндигинин абалына, интернет, теле-радионун тарыхына арналган галереялар бар.
3
"Ньюзейде" 2001-жылдын 11-сентябрында АКШны солк эттирген террордук чабуулдарга өзүнчө экспозиция арналган. Индиялык журналист Насредин Мухаммед көргөзүп жаткан майышкан темир чабуулда жардырылган Дүйнөлүк соода борборунун чатырында турган кабар антеннасы болгон.
4
Пакистандык журналист Надя Наки "Белл" компаниясы чыгарган тик учманын алдында турат. Бул тик учмалар маалымат каражаттары арасында өтө популярдуу болгон. Сүрөттөгү N206EN үлгүсүндөгү тик учма 1975-жылга чейин КХАС ТВ тарабынан колдонулуп, кийин "Белл" аны кайра оңдоп, "Ньюзейге" белекке берген.
5
Пакистандык журналисттер президент Линколндун "Элге чындыкты (facts) жеткир, ошондо өлкө коопсуз болот" деген сөзүн "колдоп" турушат. Муну менен Авраам Линколн демократия үчүн сөз эркиндигинин мааниси зор экендигин айткан.
6
Индиядан кабарчы Лаик Хан менен пакистандык Надя Наки Нюзейдин сувенир дүкөнүндө желим микрофонду көрүп жатышат. "Атактуу журналисттерди бардан жокту жараткан олуялардай даңктайт" деп сындалган "Ньюзейге" 1997-жылы ачылгандан кийинки биринчи беш жылда 2.3 миллион киши келген.
7
"Ньюзейдин" терассасында журналисттер сүрөт көрүп жатышат. Артта Конгресс жана өкмөт жайгашкан Капитолдун көрүнүшү. "Ньюзейди" коммерциялык эмес "Эркиндик форуму" (Freedom Forum) 1997-жылы негиздеген. The Sunday Times "Ньюзейди" "дүйнөдөгү эң кызык 12 музейдин бири" деп баалаган.
