АКШнын жаңы президенти кызматка киришти

20-Январь, 2017

АКШнын жаңы президенти Дональд Трамптын жана вице-президенти Майк Пенстин кызматка кирүү аземи өттү. Салтанатка кызматын тапшырып жаткан президент Барак Обама жана вице-президент Жо Байден үй-бүлөлөрү менен катышты. Ошондой эле аземге экс-президенттер Жимми Картер, кичүү Жорж Буш, Билл Клинтон жубайы, Трамптын атаандашы Хиллари Клинтон катышты.

АКШнын жаңы шайланган президенти Дональд Трамп Орусия менен мамилелерди калыбына келтирүү тууралуу байма-бай билдирүүлөрдү жасап келген. Өткөн аптада Times жана германиялык Bild гезиттерине курган маектеринде билдиргендей, ал АКШнын жана Орусиянын өзөктүк арсеналдары “олуттуу кыскарышын” көздөп турат. Мындан улам ал экономикалык санкциялардын жоюлушу үчүн орус президенти Владимир Путинге өзөктүк арсеналдарды кыскартууну сунушу кылышы мүмкүндүгүн ишара кылган.

Embed

Лос-Анжелес инаугурацияга даярданууда

автор Азаттык Үналгысы | Кыргызстан: видео, фото, кабарлар

Embed

width px height px

No media source currently available

0:00 0:02:23 0:00

Радикалдуу ураандар менен коштолгон шайлоо өнөктүгүн жүргүзгөн Дональд Трамп кызматына киришээр замат убадаларын четинен аткара баштарын айтып келген. Бүгүн ал Барак Обамадан президенттик кызматты өткөрүп алаары менен бир нече жарлыкка кол коет деп күтүлүүдө. Анын ичинде Обама киргизген бир нече чаралар бар болгонун Трамптын басма сөз катчысы Шон Спайсер билдирди.

Трамп 12 мамлекет кол койгон Транс-Тынч океан экономикалык келишиминен чыгаарын билдирген. Ал ошондой эле миграцияны чектеп, АКШ менен Мексиканын чегине дубал куруларын айткан.

Reuters агенттигинин маалыматына ылайык, Трампка кол коюуга 200гө жакын жарлык жиберилет.

Дональд Трамп: ант берүүгө чейинки 70 жыл

1/18 Дональд Трамп 1946-жылы ньюйорктук бардар үй-бүлөдө төрөлгөн.

2/18 Трамп беш баланын төртүнчүсү. Анын атасы Тед Трамп ньюйорктук ийгиликтүү куруучу болгон. Трампка жеке бизнесин тикелөөгө атасы жардам берген.

4/18 Дональд Трамп атасы менен Уортон бизнес мектебинин бүтүрүү кечесинде. 1968-жыл.

5/18 1977-жылы Трамп чехословакиялык Ивана Зельничковага үйлөнгөн. Алар 1989-жылы ажырашкан. Алардын ортосунда үч бала бар – Эрик, Иванка жана Дональд.

6/18 1993-жылы Трамп модель жана аткаруучу Марла Мейплска үйлөнөт.

8/18 1996-жылы Трамп “Дүйнөнүн сулуусу” аттуу сулуулар сынагынын ээси болот. Сынактын ошол жылкы жеңүүчүсү Алисия Мачадо кийинчирээк ал менин намысыма тийди деп Трампты айыптап чыккан.

9/18 Трамп эл аралык мейманканасынын пайдубалына таш орнотуу аземи. Лас-Вегас, 2005-жыл.

10/18 Бай болуунун сырларын Трамп 2004-жылы жарык көргөн китебинде бөлүшөт. Андан мурун басылып чыккан “Келишим түзүү өнөрү” деп аталган китеби бестселлер болуп, Трамптын белгилүү болушуна жол ачкан.

11/18 2005-жылы Трамп словениялык Мелании Кнаусс аттуу моделге үйлөнгөн. Алар 2006-жылы уулдуу болуп, атын Баррон деп коет.

13/18 Trump International Hotel мейманканасынын курулушу. Чикаго, 2006-жыл.

14/18 Трамп Республикачылар партиясынын атынан президенттикке талапкер болуп шайланды. Кливленд, Огайо, 21-июль 2016-жыл.

15/18 Өзүнүн шайлоо кампаниясы учурунда Трамп эгер АКШ Украинага Крымды кайтарууга жардам берүүгө аракеттенсе, Үчүнчү дүйнөлүк согуш башталарын айткан.

16/18 Дональд жана Мелани Трамп президенттик шайлоодо добуш берип жатышкан учуру. Нью-Йорк, 2016-жылдын 8-ноябры.

17/18 АКШнын жаңы шайланган президенти Дональд Трампка каршы митингдин катышуучулары. Вашингтон, 2017-жылдын 18-январы.

Ант берүүгө бир нече күн калганда Трамп Твиттердеги баракчасында кызматка киришүүгө даярдык көрүп жаткан сүрөтүн жарыялаган. “Жуманы чыдамсыздык менен күтүп отурам” деп жазган ал. — 18/18 Ант берүүгө бир нече күн калганда Трамп Твиттердеги баракчасында кызматка киришүүгө даярдык көрүп жаткан сүрөтүн жарыялаган. “Жуманы чыдамсыздык менен күтүп отурам” деп жазган ал.

Дагы жүктөңүз

Линктер

Онлайн шерине

АКШнын жаңы президенти кызматка киришти

Лос-Анжелес инаугурацияга даярданууда

Дональд Трамп: ант берүүгө чейинки 70 жыл