1-7-октябрь, 2019-жыл.
Кытайдын 70 жылдыгы жана Ирактагы кагылышуу
Өткөн аптадагы дүйнө болуп өткөн орчундуу окуялар сүрөттөрдө.
1
Сербиянын оюнчусу Новак Жокович Франциянын оюнчусу Лукас Пуйга каршы ойноп жатат. Жапония. 4-октябрь, 2019-жыл.
2
Түркияга чектеш жайгашкан жерде сириялык бала өтүп жаткан АКШнын аскердик транспортторун карап турат. Аль-Хашиша айылы. 4-октябрь, 2019-жыл.
3
Ирактагы демонстрант кыз өрттөнүп жаткан дөңгөлөктөрдү аралап чуркап баратат. Бийликке нааразылык билдирип чыккандардын Багдаддагы акциясы элдик каяшага айланган. 3-октябрь, 2019-жыл.
4
Кичинекей балдар Кашмирдин жана Пакистандын желектерин кармап Индияга каршы уюштурулган Лахордогу акцияларга катышууда. 3-октябрь, 2019-жыл.
5
Полициянын атайын кызматкери Кытай Эл Республикасынын 70 жылдыгында бийликке каршы митингге чыккан жаранды кармап кетип баратат. Гонконг. 1-октябрь, 2019-жыл.
6
Бээжинде Кытай Эл Республикасынын 70 жылдыгына арналган ири майрамдык иш-чаралар болуп өттү. 15 миң жоокер катышкан парадда эң алдыңкы аскердик техника, жаңы куралдын үлгүлөрү көрсөтүлдү.
7
Өлкөдөгү коррупцияга жана начар мамлекеттик кызмат көрсөткөн уюмдарга каршы нааразылык акциясына чыккандардын атайын полиция кызматкерлери менен кагылышы. Багдад, Ирак.
8
Ооганстандык бала Кабулдагы Надир Хан адырында жайгашкан суу ташыган контейнерде олтурат. 1-октябрь, 2019-жыл.
9
Омск шаарындагы базарлардын биринде Советтер Союзунун лидери Иосиф Сталиндин бюсту сатыкка коюлган.
10
Ооганстандын борбору Кабулда казанды аралаштырып жаткан ашпоздор. 1-октябрь, 2019-жыл.