1-февралда Хиллари Клинтон Америка Кошмо Штаттарынын 67-мамлекеттик катчысы катары кызматынын аягына чыкты. Президент Обама Хиллари Клинтонду "тарыхта кала турган мамлекеттик катчы" деп баалады. Клинтон айым 4 жылдын ичинде дүйнөнүн 112 өлкөсүнө барган, анын ичинде Кыргызстанга дагы келген. Эркин Европа/Азаттык, 1.02.2013.
Хиллари Клинтондун төрт жылы
1
Хиллари Клинтон Мамлекеттик департаментте жубайы Билл Клинтон жана кызы Челси Клинтондун коштоосунда ант берүүдө. 2-февраль, 2009.
2
2008-жылы Хиллари Клинтон Демократиялык партиянын ичиндеги жарышта Барак Обамадан утулуп калгандан кийин мамлекеттик катчынын кызматына барууга макул болгон.
3
Хиллари Клинтон кызы Челси менен Сенаттагы эл аралык комитеттин талкуусуна бараар алдында. 2009-жылдын январы.
4
Хиллари Клинтон АКШнын тарыхында Билл Клинтондун тушунда мамлекеттик катчы (1996-2000) кызматын аткарган Мадлен Олбрайттан кийинки бул жогорку ишти аркалаган экинчи аял.
5
АКШнын мамлекеттик катчысы Клинтон БУУнун баш кеңсесинде Tүркиянын президенти Aбдулла Гүл менен сүйлөшкүчө оозун бойоп жатат. 23-сентябрь, 2010.
6
Немис канцлери Ангела Меркел менен Хиллари Клинтон Германиянын лидеринин урматына Мамлекеттик департаментте уюшулган сый тамакта. 7-июнь, 2011.
7
Мамлекеттик катчы Хиллари Клинтон Түркиянын тышкы иштер министри Ахмет Давудоглу менен Абу-Даби шаарында ийгиликтүү өткөн эки тараптуу сүйлөшүүдөн кийин. 9-июнь, 2011.
8
Мамлекеттик катчы Клинтон Триполиден узап бараткан маалда ливиялык аскерлер менен жеңиштин белгисин көрсөтүп сүрөткө түшүүдө. 18-октябрь, 2011.
9
Хиллари Клинтон "Лос-Анжелес Лейкерс" командасынын атактуу оюнчусу, дүйнөдөгү эң мыкты баскетболчулардын бири, Мамлекеттик департаменттин маданий элчиси Карим Абдул-Жаббар менен Вашингтондо. 18-январь, 2012.
10
Хиллари Клинтон Сенаттын комитетинде 2013-жылдын бюджетин талкуулоо маалында артына жаздык коюп берген жардамчысына көзүн кысууда. 28-февраль, 2012.
11
Мамлекеттик катчы Клинтонго Малави өлкөсүнө сапары маалында сүт фермасынын башчысы Эмми Пири улуттук кийимди жабууда. 5-август, 2012.
12
Хиллари Клинтон Түштүк Африканын мурдагы президенти Нелсон Манделанын үйүндө, Qunu шаары 6-август, 2012.
13
Орусиянын президенти Владимир Путин АКШнын мамлекеттик катчысы Хиллари Клинтон менен Азия-Тынч океан экономикалык кызматташтык уюмунун (APEC) Владивосток шаарында өтчү жыйынына келгенде учурашууда. 8-сентябрь, 2012.
14
Хиллари Клинтон өзүнүн 4 жылдык иши тууралуу "2009-жылдын январь айына көз чаптырып, ал кезде Кошмо Штаттардын бедели кандай түшкөнүн, өлкө жетекчилиги кандай бүдөмүк жаратып турганын, финансылык кризис элдин өкмөткө, экономикага жана өлкөнүн келечегине ишенимин кандайча жоготуп турганын эстесек. Кызматка киришкенде менин милдетимдин бир бөлүгү - дүйнөнү кыдырып, Американын лидерлигине ишенимди кайра калыбына келтирүү болчу", деген баасын айтты.
