Сүрөттөргө караганда Вашингтондун борборундагы чоң талаада чогулган аялдар маршынын катышуучуларынын саны Дональд Трамптын кечээ өткөн инаугурациясын көргөнү келгендердин санынан бир кыйла ашат.
Маршка катышкан белгилүү адамдардын бири актриса Скарлетт Йоханссон президент Трампка кайрылды: "Мен сизди колдогум келет, бирок адегенде мага жана башка аялдарга колдоо көрсөтүүңүздү өтүнөм".
“Чирс” сериалынын актрисасы Элли Кёрсти Твиттерде “маршка чыккандар бардык аялдар нааразы дегенди билдирбейт” деп жазды (2016-жылдын жазында Кёрсти Трампты колдоп чыккан).
"Алар бардыгынын атынан сүйлөй албайт. Алар өз атынан чыгышууда. Аларда мындай укук бар".