Луганск облусунда кырчылдашкан кармаш жүрүп жатат. Орусиялык аскерлер эл жашаган пункттарды атууда. Өткөн түнү Рубежное аймагы аткылоого кабылды. Бул тууралуу убактылуу аскердик администрациянын башчысы Сергей Гайдай билдирди.
Эртең менен жергиликтүү бийликтердин кабарлашынча Днепропетровск облусунда Криворожск жана Синельников айылдарына ракетадан сокку урулду. Жабыр тарткандардын саны такталууда.
Орусиянын Белгород облусундагы орусиялык аскерлер Харьковго жакын жайгашкан Изюм шаарына кошумча күч таштоодо.
Украинанын куралдуу күчтөрүнүн Башкы штабынын маалыматында Орусиянын Белгород облусундагы орусиялык аскерлер Харьковго жакын Изюмга кошумча аскерлерин таштап жатат.
Украинанын Холокостто аман калган 78 жашоочусу Германияга эвакуация болду. Өлкө боюнча немис оккупациясына (1941-1945-жж.) күбө болгон 10 миңдей адам бар.
"Орусияга Эркиндик" легиону фронтко жөнөдү
Украина үчүн орусиялыктардан түзүлгөн "Орусияга Эркиндик" легиону эки айлык даярдыктан кийин катуу кармаш жүрүп жаткан өлкө чыгышына жылды.
"Биз Украинанын Куралдуу күчтөрүнө бизге ишеним артканы үчүн ыраазычылык билдиребиз, кармашта ишенимди актаганга аракет кылабыз. Биз Орусияны Путинден жана анын чөйрөсүнөн куткарабыз", - деп айтылат легиондун билдирүүсүндө.