Кечиккен тез жардам...
Сиздин браузер HTML5 ыкмасын колдобой жатат.
Бишкекте тез жардам кызматынын 103 номери 5-сентябрда беш саатка иштебей калган. Натыйжада тез жардамга кеминде 200-300дөй адам чала албай убара болгон. Аталган кызмат муну оңдоо иштерин жүргүзүп жаткандар алардын чубалгыларын казып салып, линиялар үзүлүп калганы менен түшүндүрүүдө. Алар буга “Түндүк электро” ишканасын айыптаса, электриктер окуяны кокустук деп аташууда. Кантсе да бул окуя Бишкек шаардык тез жардам бекетине нааразылардын санын дагы арбыткан окуя болуп кала берди.