Кыргызстандын Конституциялык сотунун курамы эки аял судья менен толукталды. 7-декабрда Жогорку Кеңеш Конституциялык соттун судьяларынын кызмат ордуна Чынара Айдарбекова менен Лунара Жолдошеванын талапкерлигин карап, экөөнү тең колдоду. Шайланган жаңы судья айымдар ант беришти.
Конституциялык сот тогуз судьядан турат. Буга чейин анын курамында бир гана аял судья бар болчу.
Кыргызстанда бийлик органдарында соңку жылдары гендердик баланс сакталбай, аялдар аз же такыр эле жок мекемелер көп экенин укук коргоочулар жана серепчилер айтып келишет.
Конституциялык сот конституциялык көзөмөл жүргзүүчү сот бийлигинин жогорку органы жана ал бардык башка коомдук бийликтен көз каранды эмес. Судьялары Жогорку Кеңештин депутаттарынын жалпы санынын жарымынан кем эмес добушу менен шайланат. Төрагасын президент Судьялар кеңешинин сунушу боюнча жана Жогорку Кеңештин депутаттарынын жалпы санынын жарымынан кем эмес добушунун макулдугу менен беш жылдык мөөнөткө дайындайт. (RK)
Дагы караңыз
Казакстан: Жылуулуксуз калган Темиртоо шаарында эл кол топтоодоОрусияга каршы санкциялардын кезектеги пакети иштелип чыктыКурахово шаары аткыланганда бир канча киши мерт болдуПутин Украинадагы согуш узакка созулушу мүмкүн экенин айтты