Чүйдө ооруканага оор абалда түшкөн жети жашар кыздын өлүмү боюнча кылмыш иши козголду. Бул тууралуу Чүй облустук милициясынын басма сөз кызматы "Азаттыкка" кабарлады.
Маалыматка караганда, факты боюнча Кылмыш-жаза кодексинин 145-беренесинин негизинде ("Жардам көрсөтпөй коюу") кылмыш иши козголгон. Учурда укуктук экспертизалар дайындалып, тергөө жүрүп жатат.
15-январда Кара-Балтадагы ооруканада 2016-жылы туулган наристе чарчап калган. Милиция 14-январда ал оор абалда ооруканага түшкөн деген маалымат бар экени, жана ага бронхопневмония, дем алуу кемтиги, сепсис, кант диабети деген болжолдуу диагноз коюлганын билдирген.
Кыз өтө арык экени жана ата-энеси чет жакта миграцияда жүргөнү тууралуу маалымат тарап, соцтармактарда ар кандай талкуулар жүрүп жатат. (КЕ)
Дагы караңыз
Киев облусунда тик учак кулап, Украинанын ИИМнин жетекчиси курман болдуЧек ара: өрттөлүп, талкаланган 426 үйдүн 45инин курулушу бүттүӨзбекстанда электрикке бычак такаган аялга кылмыш иши козголду“Бишкек” ЭЭАнын жетекчисине Алмамбет Шыкмаматовдун талапкерлиги каралып жатканы кабарланды