Жогорку Кенештин Социалдык саясат комитети 4-декабрдагы жыйынында Кыргызстанга энергетикалык суусундуктарды ташып келүүгө, өндүрүүгө жана сатууга тыюу салган мыйзам долбоорун биринчи окууда карайт. Ага саламаттык сактоо министри, экономика министри жана ички иштер министри баштаган өкмөт өкүлдөрү чакырылган.
Июль айында арезидент Садыр Жапаров өлкөдө энергетикалык суусундуктарды жарнамалоого тыюу салган мыйзамга кол койгон.
Анын алдында, май айында Салык кызматы июлдан тартып курамында энергетикалык, сергитүүчү кошулмалары бар алкоголсуз суусундуктарды өндүрүүдө жана өлкө аймагына ташып келүүдө акциздик салык салына баштарын билдирген. Ага ылайык, Министрлер кабинети бекиткен акциздик ставкага жараша аталган суусундуктун бир литрине он сомдон алынат.
Кыргызстанда мыйзамга ылайык, организмге сергитүү таасирин камсыз кылган кофеин жана башка сергитүүчү кошулмаларды камтыган алкоголсуз ичимдиктер энергетикалык суусундук катары саналат.
Мыйзамдын негизинде мындай суусундуктар 18 жашка чейинкилерге сатылбашы керек.
Соңку кездери коомчулукта, парламентте мындай суусундуктардын кесепет-зыяны тууралуу маселе көп көтөрүлө баштады.
Дагы караңыз
Өзбекстан: АКШга мыйзамсыз кетирүүнү убада кылгандар кармалдыБишкек шаарынын таштанды полигонуна 850 көчөт тигилдиЭлчилик: “Садоводдогу” өрттө кыргыз жарандары жабыр тарткан жокТуткундарды бошотуу: ХАМАС ок атышууну толук токтотуу шартын койду Садыр Жапаров элди жардамга муктаждарга күйүмдүү болууга чакырды