Блогер Бакмурат Токтогулов оорусуна байланыштуу 42 жашында дүйнөдөн кайтканын анын санаалаштары соцтармактарга жазышты. Маалыматты маркумдун жакындары "Азаттыкка" ырастап, Бакмурат Токтогулов 19-августта эртең менен ооруканада, жандандыруу бөлүмүндө каза болгонун билдиришти.
Алардын сөзүнө караганда, маркум ооруканага кан басымы жогорулап, 18-августта түшкөн.
Токтогуловдун төрт баласы калды. Ал социалдык тармактарда бийликти сындап жазган посттору үчүн Улуттук коопсуздук боюнча мамлекеттик комитетте сурак берген.