Кыргызстандын Тышкы иштер министрлиги (ТИМ) 17-августта Казакстандын Караганда облусунун Шет районунун аймагында кыргызстандыктар жол кырсыгына кабылганын кабарлады.
Расмий маалыматка ылайык, Кыргызстандын 63 (И.Г.В.) жана 52 жаштагы (Е.Е.Ю.) эки жараны кырсык болгон жерден мүрт кетип, 60 жаштагы дагы бир кыргыз жараны жаракат алып, Шет райондук ооруканасына жактырылган. Каза болгондордун сөөгү Кыргыгызстанга жөнөтүлгөн.
ТИМ бул факты боюнча Казакстандын тиешелүү органдары кылмыш ишин козгоп, тергөө иштерин жүргүзүп жатканын кошумчалады. (BTo)