АКШ президенти Дональд Трамп менен Кытайдын төрагасы Си Цзиньпин Синин Вашингтонго мамлекеттик сапарынын алкагында жалпы суммасы 30 миллиард долларды түзгөн бажы төлөмдөрүн өз ара төмөндөтүүнү макулдашты. Бул тууралуу Кытайдын Тышкы иштер министрлиги маалымдады.
Тараптар ошондой эле соода жана инвестициялар боюнча кеңештерди түзүп, Куала-Лумпурда өткөн мурунку сүйлөшүүлөрдө жетишилген макулдашууларды узартууну чечишти.
Мындан тышкары, Трамп менен Си Цзиньпин жасалма интеллекттин (ЖИ) тобокелдиктери жана мүмкүнчүлүктөрүн талкуулап, бул технологияны мүнөздөөдө "суперинтеллект" терминин колдонууну макулдашты.
Эки өлкөнүн лидерлери Азия-Тынч океан экономикалык кызматташтык уюмунун жана "Чоң жыйырманын" (G20) саммиттерин өткөрүүдө бири-бирин колдоого убада беришти.
Тышкы саясат маселелерин талкуулоодо АКШ менен Кытайдын лидерлери Иран өзөктүк курал жасабашы керек деген пикирге келишти. Трамп АКШ, Орусия жана Кытайдын катышуусунда курал-жаракты көзөмөлдөө боюнча үч тараптуу сүйлөшүүлөрдү өткөрүүнү сунуштады.
Си Цзиньпин менен Трамптын үч күндүк сүйлөшүүлөрү 25-сентябрда аяктады.
Буга чейин Си Цзиньпинди Вашингтондо АКШнын ошол кездеги президенти Барак Обама кабыл алган.