Февралда төрөт үйүнө оор абалда келди делген келин операциядан кийин кансырап ажал тапса, Жайыл (Чүй) районунда 36 жаштагы аял тогузунча баласын көрбөй кетти. Маркумдардын жакындары өлүмгө дарыгерлердин кайдыгерлиги себеп болду деп эсептешет.
"Төрөтканага соо барып, сөөгү чыкты"
Сиздин браузер HTML5 ыкмасын колдобой жатат.
Быйыл эки айда төрт аял төрөттөн ажал таап, 14 бала энесиз калды. Жыл башында 21 жаштагы келин төрөт үйүндө жыгылып, дарыгерлер курсактагы ымыркайды дагы, энени дагы сактап кала алган эмес. Көп өтпөй эгиз төрөгөн 22 жаштагы келин көз жаргандан төрт күндөн кийин ооруканада каза болду.