Эстрада ырчысы Мирбек Атабековго “Кыргыз Республикасынын эл артисти” наамы ыйгарылды. Тиешелүү жарлыкка президент Садыр Жапаров кол койду.
40 жаштагы Мирбек Атабеков Талас облусунун Талас районунун Жон-Арык айылында туулган. Ал чыгармачылык жолун 2004-жылы баштаган. Ырчынын ондогон ырлары Кыргызстанда эле эмес, коңшу Казакстанда да хитке айланган.
29-октябрда Мирбек Атабеков Казакстандын II даражадагы “Достык” ордени менен сыйланган. (BTo)