Айсалкын Качкынбекова

Абдыкадыров: “Асманды” кура турган инвесторлор кармалып жатат

Ысык-Көлдүн жээгинде салына турган “Асман” шаарынын курулушу инвестор келе электигинен кечигүүдө. Бул тууралуу президенттин Ысык-Көлдөгү өкүлү Эмилбек Абдыкадыров “Азаттыкка” курган маегинде билдирди.

Корумду: Тамчы таза сууга зар болгон айыл

Түп районундагы Корумду айылында таза суу жок. 400 түтүндөн ашык эл булактан, арыктан суу ичип, тиричилик кылууга аргасыз. 2017-жылы суу чыгарууга бюджеттен акча каралып, иш башталгандай болгону менен ал аягына чыкпай турат. "Ысык-Көл курулуш сервистин" өкүлү иштин орчундуу бөлүгү бүткөнүн айтты.

Балыкчыда окуучу кызды сүзүп кетти деп шектелген милициянын башчысы кармалды

26-январда түш ченде Балыкчы шаарында жол боюнда турган 12 жаштагы кызды милицияга таандык автоунаа коюп кетип, ал видеокамераларга түшүп калган. ИИМ бул окуяга байланыштуу 27-январда Балыкчы шаардык ички иштер бөлүмүнүн башчысы Бектур Осмонбаев кармалганын маалымдады.

Балыкчыда кызды сүзүп, качып кеткени айтылган милиция башчысы кармалды

26-январда түш ченде Балыкчы шаарында жол боюнда турган 12 жаштагы кызды милицияга таандык автоунаа коюп кетип, ал видеокамераларга түшүп калган. ИИМ бул окуяга байланыштуу 27-январда Балыкчы шаардык ички иштер бөлүмүнүн башчысы Бектур Осмонбаев кармалганын маалымдады.

Бостери: 70тен ашуун тургун жеринен айрылабы?

Ысык-Көл облусунун Бостери айылынын 70тен ашык тургуну 2013-жылы кызыл китеби менен сатып алган жерлерин сот аркылуу мамлекетке алып коёт деп коркуп турган учуру. Ал тилкелерге конок үй салып же курулуш жүргүзүп жаткан тургундар маселенин калыс чечилишин күтөт.

Азоо ат таптап, улак тарткан Махабат

Ысык-Көлдүн Түп районундагы Сары-Тологой айылында Махабатты айылдыктар "улакчы кыз" деп билишет. Аттын сырын мыкты билген кыз улак тартуудан тышкары азоо аттарды таптап, үйрөтүп да жүрөт. Азыр балдар менен ойноп, байге алып жүргөн кыз келечекте айылда улакчы кыздар тобун курагысы келет.

Өзгөчө балдарды тарбиялаган Эсте

Ысык-Көлдүн Каракол шаарында жападан-жалгыз инклюзивдик бала бакча бар. Педагог Эсте Идирисова демилге көтөрүп, төрт жыл мурун ачкан бакчада азыр 40 бала тарбияланып жатат. Каражаттын тартыштыгынан бул бакчаны камсыздоо да кыйынга турууда.

Ак-Суудагы чемпион кыздарга колдоо керек

Ысык-Көлдүн Ак-Суу районундагы Боз-Учук айылында кол күрөштөн Азия, дүйнө чемпиондорун чыгарган спорт уясы бар. Аянбүбү Асанкулова быйыл августта Алматы шаарында өткөн Дүйнө чемпионатында өспүрүмдөр арасында алтын медаль тагынды. Чемпион кыздардын айылына "Азаттыктын" кабарчысы барып келди.

"Чөп жок, малды саттык". Элетте тоют тартыш

"Бактылуу эне": Кордук көргөн кыз-келин, психолог жетишпейт

Балыкчы шаарына эки жыл мурун "Бактылуу эне" кризисттик борбору ачылган. Бул маалда 80ден ашык аялга ар кандай жардам көрсөткөн. Азыр дагы зомбулуктан улам кайрылган аялдардын саны аз эмес. Балыкчыда психолог адистер жок. Ал эми борбор мындай адистерге абдан муктаж.

Миграцияда жүрүп мектеп ачкан Миргүл

Миргүл Өмүрзакова билимди Америкадагы Колорадо университетинен алып, 23 жыл миграцияда жүргөн. Эми өзү туулуп өскөн Караколдо мектеп ачты. Бул каарманыбыздын кичинесинен берки кыялы болчу. Эми Миргүлдүн кийинки максаты - мектепти өнүктүрүп, толук орто билим берген жайга айлантуу.

Бостеридеги өлүм: милицияга көө жапкан кайдыгерлик

"Баламдын абалы оор". Төрөт үйүндөгү окуя каргашабы же кайдыгерликпи?

"Эмделбеген эки наристе чарчап калды". Балдар арасында кызылча күчөдү

“Таякемди уулу, неберелери менен жерге бердик”. Тоңдогу жол кырсыгы