Экономика

Бишкекте 18-майга караган түнкү зордук-зомбулукта жабыркаган пакистандык айрым студенттер өз мекенине кайтып жатат. Жатаканаларда жашагандар коопсуздугунан чочулап турганын айтышты. VIP хостелге кыргыз өкмөтүнүн өкүлдөрү барып, окуя тыкыр иликтенип, күнөөлүүлөр жазаланарын убада кылышты.

18-майдын кечинде Пакистандын 180 жаранын салып Бишкектен чыккан учак Лахор шаарына жетти. Алардын арасында башаламандыкта жараат алгандар да бар. Пакистандын Бишкектеги элчилиги тополоңдо 14 жараны жабыркаганын, алты киши ооруканада жатканын билдирди.