Түркияга мектеп окуучуларын олимпиадага алып барып, Стамбул аэропортунда кармалган мугалим Азамат Нурмат уулунун соттук иши сентябрда карала баштайт. Фетхуллах Гүлендин "Хизмет" кыймылына байланышы бар деген шек менен кармалган мугалим үй камагына чыгарылып, учурда Стамбулда жашап жатат.
25-июнда парламент тарабынан кабыл алынган Кыйноолорду алдын алуу борборун Омбудсмен институтуна кошуу мыйзамын укук коргоочулар сынга алууда. Алар Омбудсмен институту улуттук борбордун ишин аткара албайт деп айтып жатышат. Акыйкатчы мындай сындарды четке какты.
Үч айдан ашык убактан бери абакта жаткан журналист Канышай Мамыркулованын иши боюнча отурум Бишкектин Октябрь райондук сотунда 30-июнда уланат. Соттун жылышына журналисттин ишинде экспертиза жасаган адистин дагы келбей калганы себеп болду.
Өзбекстанда жынысын алмаштырган адамдарга расмий түрдө аты-жөнүн өзгөртүүгө уруксат берилди. Эксперттердин айтымында, бул ЛГБТ өкүлдөрүнө эмес, тубаса жыныстык патологиясы барларга, же "интерсекс" деген топко кирген адамдарга тиешелүү.
19-июнь күнү Бишкектин Свердлов райондук сотунда укук коргоочу Рита Карасартованын иши боюнча отурум тергөөчү жана прокурор келбегендиктен башка күнгө калды.
Күйөөсүнүн колунан каза болгон Айзиректин аброюна шек келтирген блогер, активист Айбек Уланов кармалды. Коомчулук маркум келинди мазактаган блогердин жоопко тартылышын талап кылууда.
Өзбекстандын футбол командасын колдоп-коштогону Бириккен Араб Эмираттарына барган күйөрмандар бир нече саат аэропорттон чыгарылбады. Маселе консулдук деңгээлдеги сүйлөшүүлөр менен жайгарылды.
Канышай Мамыркулованын иши боюнча эксперт-лингвист суралды. Эксперттин журналисттин соцтармактагы посттору боюнча чыгарган корутундусу бир топ суроону жаратып, айрым жагдайлар талашка түштү. Журналист өзүнө козголгон кылмыш ишинин маңызы жок экенин белгилеп, айыптарды четке какты.
Бишкектин Биринчи май райондук соту “Кой-Таш иши” боюнча мурдагы президент Алмазбек Атамбаевди 11 жыл 6 айга кесип, мүлкүн конфискациялоого өкүм кылды. Окуяга аралашкан үч саясатчы сот залынан камакка алынып, мурдагы президенттин башка тарапташтарына пробациялык жаза берилди.
26-майда Ош облусунун Кара-Кулжа районунда беш балалуу келиндин мыкаачылык менен өлтүрүлүшү аялдар кабылган зомбулук темасын кайра козгоду. 38 жаштагы келиндин өлүмүнө шек саналып күйөөсү камалды. Кыргызстан мусулмандар дин башкармалыгы эркектерге кайрылып, аялдарды коргоого үндөдү.
Төрт жыл мурда ооруканада дарыланган наристеге ВИЧ инфекциясы жуккан болушу мүмкүн деген маалымат парламентте көтөрүлдү. Саламаттык сактоо министрлиги түзгөн атайын комиссия 600дөн ашык кишини текшерген, бирок инфекциянын булагы алигиче аныктала элек.
26-май күнү Өзгөн районунун Алга айылындагы бүтүрүүчүлөрдүн 20 жылдык кечесинен кийин келин мыкаачылык менен өлтүрүлгөн окуя болду. Алдын ала айтылгандай, кылмышка кызганыч себеп болгон. Күйөөсү жубайын өлтүрүүгө шектелип кармалды. Маркум келиндин артында жашы жете элек беш баласы калды.
Дагы жүктөңүз
