Израил ракетасынан Хамас уюмунун жетекчилеринин бири жана башка алты киши ажал тапты

Күбөлөрдүн айтымында, Израил учагы Саад ал-Арабеед жана анын орун басары отурган машинанын үстүнөн бир нече жолу айланып учуп, анан эки ракета менен аткан. Шаардын киши көп каттаган ооданындагы чабуулдан ошондой эле 40тан ашык палестиналык жаран жараат алды.
Мындан бир нече саат мурда АКШнын президенти Жорж Буш Жакынкы Чыгыштагы кан төгүүнү токтотуу аракетин күч алдырууга сөз берген эле.