Г.Рапота Бишкекке келет

БИШКЕК.Эртең Кыргызстанга Евразия экономикалык шериктештигинин Баш катчысы Григорий Рапота келет. Бишкекте ал президент Аскар Акаев жана башка бир катар жетекчилер менен жолугушмакчы. Ал жолугушууларда Евразия экономикалык шериктештигинин алкагында көп тараптуу кызматташуу маселелери талкууланат. Бул тууралуу жума күнү Тышкы иштер министрлигинин басма сөз кызматынан кабарлашты.