БИШКЕК. Кыргызстандын тышкы иштер министри Аскар Айтматов Шанхай Кызматташтык Уюмунун тышкы иштер министрлеринин бүгүн Алматы шаарында өткөрүлгөн жыйынына катышты. Бул тууралуу бүгүн Тышкы иштер министрлигинин басма сөз кызматы кабарлады. ШКУнун тышкы иштер министрлери кезектеги жыйынында уюмдун катчылыгын жана антитеррордук структурасын уюштуруу маселелерин талкуулашты. Андан тышкары, министрлер Шанхай Кызматташтык Уюмунун 29-майда Москва шаарында өтө турган саммитинде каралуучу маселелерди такташты.
