Католик христиандарынын дүйнөлүк башчысы Папа Иоанн Павел Экинчи бүгүн Испанияга эки күндүк сапар менен келди. Өлкөнүн борбору Мадрид шаарынын алдындагы аскерий базада Папа кечинде таат-ибадат өткөрөт жана ага жүз миңдеген адам, көбүнчө жаштар чогулаары күтүлүүдө. 4-май күнү Папа Испаниянын падышасы Хуан Карлос жана өлкөнүн башка жетекчилери менен да жолугат. Сексенден ашкан Папа акыркы тогуз айда Ватикандан чыкпай калган. Испанияга келиши анын папалык мезгилиндеги токсон тогузунчу сапар.
