БИШКЕК. Кыргызстандык төрт жаран АКШнын Куралдуу күчтөрүнүн карамагындагы академияларда окуу укугуна ээ болушту. Алардын ичинен Дмитрий Поляков менен Амантай Төлөналиев Вест-Поинттеги Аскер академиясына, Алексей Власов Аскер-аба академиясыга, ал эми Владимир Егоров Аскер-деңиз академиясына өтүштү. Угуучуларга чакырууну бүгүн АКШнын Кыргызстандагы элчиси Жон О Киф Кыргызстандын Коргоо министрлигинин, Ганси атындагы авиабазанын өкүлдөрүнүн жана ата-энелердин катышуусунда тапшырды.
