Тажикстан Орусиядан мурдагы ички иштер министрин чыгарып берүүнү өтүндү

Якуб Салимов жакында Маскөөдө Тажикстандын талабы менен камакка алынганын Дүйшөмбү калаасында баш прокуратурадан маалымдашты.
Оппозициянын белгилүү өкүлү Салимов 1993-95-жылдары ички иштер министри болгон, кийин кызматынан кыянаттык менен пайдаланган деген кине менен иштен алынып, Түркияга элчи болуп жөнөтүлгөн. 1996-жылы дагы курал менен соода кылган, кылмыштуу топ уюштурган деген айыптар коюлганда, Салимов Маскөөгө качкан.