Европа Коопсуздук жана Кызматташуу Уюмунун Молдовадагы өкүлчүлүгүнүн башчысы Уилиям Хилл Орусияны Молдованын Приднестровье аймагынан өз аскерлерин чыгарып кетүүнү создуктурбоого чакырды. Анын айтымында, Орусия июль айында аскерин жана курал жабдыгын чыгаруу жараянын токтотту жана бул жакшы көрүнүш эмес. 1997-жылы Орусия Молдова жана ЕККУ менен келишимге кол коюп, ага ылайык 2002-жылдын аягына чейин Приднестровьеден аскерин чыгарып кетүүгө милдеттенме алган.
