Түркиянын премьер-министри Режеп Тайып Эрдоганды Бишкекке келээри менен премьер-министр Николай Танаев кабыл алып, көзмө-көз да, кеңири форматта да сүйлөшөт. Түркиянын өкмөт башчысынын Кыргызстандагы алгачкы иш сапарынын учурунда кандайдыр-бир документ кабыл алынаары азырынча белгисиз. Бирок буга чейин Кыргызстан менен Түркиянын ортосунда кызматташтык жөнүндө 105 документ кабыл алынган. Түркиянын Кыргызстандагы элчиси Музафер Эрөктөмдүн маалыматы боюнча, алардын эң негизгилери - эгемендүүлүк жылдарынын башында кабыл алынган “Түбөлүк достук жөнүндөгү» жана «Кыргызстан менен Түркия - бирге XXI кылымды көздөй» аттуу макулдашуулар. Ал эми аскердик макулдашууга тараптар 1993-жылы кол коюшкан. Элчинин маалыматына караганда, анын негизинде Кыргызстанга техникалык жабдык түрүндө маал-маалы менен жардам көрсөтүлүп турат.
- Жалпысынан аскердик кызматташтык тууралуу макулдашууну бир кылка, жумшак ишке ашырып келатабыз, - дейт элчи.
Бирок түркиялык премьер-министрдин бул жолу аскердик кызматташтык боюнча кандайдыр-бир жаңы багыттарды аныктоо максатында сүйлөшүү жүргүзөөрү, же Эл аралык антитеррордук коалициянын аскер күчтөрү жайгашкан “Ганси” авиабазасына барар-коёору тууралуу маалымат айтыла элек.
Эрдогандын иш сапарында өзгөчө көңүл бура турган жагдай – премьер-министрлердин катышуусунда эки өлкөнүн Ишкерлер кеңешинин кезектеги отуруму болот. Тышкы иштер министринин биринчи орун басары Талант Кушчубековдун пикиринде, бул иш сапарынын Кыргызстан үчүн чоң мааниси бар.
- Биздин өкмөт бул иш сапарды эки өлкөнүн кызматташтыгын өнүктүрүүдөгү маанилүү этап катары баалап атат, - -дейт Талант Кушчубеков.
Түркиянын өкмөт башчысы Кыргызстандан 23-октябрда жөнөп кетет.
- Жалпысынан аскердик кызматташтык тууралуу макулдашууну бир кылка, жумшак ишке ашырып келатабыз, - дейт элчи.
Бирок түркиялык премьер-министрдин бул жолу аскердик кызматташтык боюнча кандайдыр-бир жаңы багыттарды аныктоо максатында сүйлөшүү жүргүзөөрү, же Эл аралык антитеррордук коалициянын аскер күчтөрү жайгашкан “Ганси” авиабазасына барар-коёору тууралуу маалымат айтыла элек.
Эрдогандын иш сапарында өзгөчө көңүл бура турган жагдай – премьер-министрлердин катышуусунда эки өлкөнүн Ишкерлер кеңешинин кезектеги отуруму болот. Тышкы иштер министринин биринчи орун басары Талант Кушчубековдун пикиринде, бул иш сапарынын Кыргызстан үчүн чоң мааниси бар.
- Биздин өкмөт бул иш сапарды эки өлкөнүн кызматташтыгын өнүктүрүүдөгү маанилүү этап катары баалап атат, - -дейт Талант Кушчубеков.
Түркиянын өкмөт башчысы Кыргызстандан 23-октябрда жөнөп кетет.
