Иракта акыркы күндөрү орун алган көрүнүштөр АКШны коалиция боюнча өнөктөштөрүнүн колдоосунан арылтуу максатын көздөгөн кампания уланып жатканын далилдегенсиди. Маселен, өткөн ишембиде өзүнүн чалгын кызматынын жети өкүлүн жоготкон Испания - АКШнын Саддам Хусейндин режимин бийликтен кулатуудагы аскерий коалициясына кирген негизги өнөктөштөрүнүн бири. Учурда Иракта 1300дөй испан аскери бар. Ал эми эки дипломатынан айрылган Жапония - жакында Мадридде өткөн эл аралык конференцияда Иракты калыбына келтирүү ишинде АКШдан кийинки эле негизги донор болоорун жарыялаган жана бул жакка өзүнүн бейпилдик күчтөрүн жиберүү маселесин караштырып жаткан өлкө.
АКШнын Ирак саясатын такай колдоп келе жаткан Испанияда коомдук пикир жалпысынан согушка каршы эле. Акыркы кандуу окуя испандар үчүн күтүлбөстүк болбогону менен өлкөнүн саясий чөйрөлөрүндө Ирак маселесинин кайрадан талкуулануусун шарттагансыды. Испан оппозициясынын айрым өкүлдөрү өкмөттү аскерлерди мекенине кайтарууга чакырды. Өлкөдөгү солчул басылмалар да АКШ баштаган коалицияга кошулганы үчүн Испания жогору кун төлөп жатканын жазышты. Анткен менен испан өкмөтүнүн башчысы Хосе Мария Азнар анын өлкөсү Ирактагы иштерге катышууну уланта берээрине ишендирүүдө. Ушундай эле мүнөздөгү билдирүүнү жапон расмий өкүлдөрү да жасашты. Жапон премьер-министри Дзюнитиро Коидзуми:
- Жапониянын позициясы мурдагы эле бойдон калат. Коргонуу күчтөрү, атуулдар, мамлекеттик чиновниктер болсун Иракты калыбына келтирүү үчүн талап кылынгандын баарын жасайт. Бирок, биз фактыларды тактап, кырдаалды иликтешибиз жана ал жерде коопсуздук менен коргонууну жакшыртышыбыз керек.
Испандар менен жапондордун соңунан жекшемби күнү Иракта Түштүк Кореянын эки жана Колумбиянын бир жараны киши колдуу болду. Алар да Иракты калыбына келтирүү ишине тартылган фирмаларда контракттык негизде иштеп жаткан кызматчылардан эле. Түштүк Кореянын президенти Но Му Хен буга байланыштуу мындай деди:
- Аскер эмес кишилерге каршы багытталган мындай аракеттер - адамкерчиликсиздик жана кабыл алынгыс.
Ал эми жекшембинин кечинде өлкөнүн түндүк тарабындагы Самарра деген шаарда орун алган кагылышуулар Саддам Хусейндин режими кулагандан берки эң чоң уруш катары мүнөздөлүүдө. Буктурмада турган согушкерлер Ирактын улуттук валютасын ири өлчөмдө алып бара жаткан америкалык аскерлердин кербенине үч жерден кол салышкан. АКШ армиясынын өкүлдөрү чабуул жакшы координацияланганын белгилешти. Согушкерлердин мизин кайтаруу үчүн америкалык аскерлер танктарды, артиллерияны да пайдаланышкан. Натыйжада
54 согушкер жок кылынып, 8и туткундалды. Алар жашырынган имараттар да талкаланды. Америкалык аскерлердин арасынан бешөөсү жарадар болгон.
Белгилеп кетчү жагдай - кол салгандардын көпчүлүгү «Саддамдын федаиндери» деп аталган топтун кийими менен жүрүшкөн экен.
Баяндамачылар ушул фактыга көңүл бурушууда. Саддамга жантарткан согушкерлер кайрадан мурдагы формалары менен чыгуу аркылуу, балким, америкалык аскерлерге жана ирак коомчулугуна алар эски режимди кайтаруу үчүн өңү - түсүн жашырбай эле күрөшүүгө жөндөмдүү экенин көргөзүп жатышы мүмкүн.
АКШнын Ирак саясатын такай колдоп келе жаткан Испанияда коомдук пикир жалпысынан согушка каршы эле. Акыркы кандуу окуя испандар үчүн күтүлбөстүк болбогону менен өлкөнүн саясий чөйрөлөрүндө Ирак маселесинин кайрадан талкуулануусун шарттагансыды. Испан оппозициясынын айрым өкүлдөрү өкмөттү аскерлерди мекенине кайтарууга чакырды. Өлкөдөгү солчул басылмалар да АКШ баштаган коалицияга кошулганы үчүн Испания жогору кун төлөп жатканын жазышты. Анткен менен испан өкмөтүнүн башчысы Хосе Мария Азнар анын өлкөсү Ирактагы иштерге катышууну уланта берээрине ишендирүүдө. Ушундай эле мүнөздөгү билдирүүнү жапон расмий өкүлдөрү да жасашты. Жапон премьер-министри Дзюнитиро Коидзуми:
- Жапониянын позициясы мурдагы эле бойдон калат. Коргонуу күчтөрү, атуулдар, мамлекеттик чиновниктер болсун Иракты калыбына келтирүү үчүн талап кылынгандын баарын жасайт. Бирок, биз фактыларды тактап, кырдаалды иликтешибиз жана ал жерде коопсуздук менен коргонууну жакшыртышыбыз керек.
Испандар менен жапондордун соңунан жекшемби күнү Иракта Түштүк Кореянын эки жана Колумбиянын бир жараны киши колдуу болду. Алар да Иракты калыбына келтирүү ишине тартылган фирмаларда контракттык негизде иштеп жаткан кызматчылардан эле. Түштүк Кореянын президенти Но Му Хен буга байланыштуу мындай деди:
- Аскер эмес кишилерге каршы багытталган мындай аракеттер - адамкерчиликсиздик жана кабыл алынгыс.
Ал эми жекшембинин кечинде өлкөнүн түндүк тарабындагы Самарра деген шаарда орун алган кагылышуулар Саддам Хусейндин режими кулагандан берки эң чоң уруш катары мүнөздөлүүдө. Буктурмада турган согушкерлер Ирактын улуттук валютасын ири өлчөмдө алып бара жаткан америкалык аскерлердин кербенине үч жерден кол салышкан. АКШ армиясынын өкүлдөрү чабуул жакшы координацияланганын белгилешти. Согушкерлердин мизин кайтаруу үчүн америкалык аскерлер танктарды, артиллерияны да пайдаланышкан. Натыйжада
54 согушкер жок кылынып, 8и туткундалды. Алар жашырынган имараттар да талкаланды. Америкалык аскерлердин арасынан бешөөсү жарадар болгон.
Белгилеп кетчү жагдай - кол салгандардын көпчүлүгү «Саддамдын федаиндери» деп аталган топтун кийими менен жүрүшкөн экен.
Баяндамачылар ушул фактыга көңүл бурушууда. Саддамга жантарткан согушкерлер кайрадан мурдагы формалары менен чыгуу аркылуу, балким, америкалык аскерлерге жана ирак коомчулугуна алар эски режимди кайтаруу үчүн өңү - түсүн жашырбай эле күрөшүүгө жөндөмдүү экенин көргөзүп жатышы мүмкүн.
